За прв пат нашиот тим “The Strongest & ROOTS BJJ” настапи на Европско БЏЏ Првенство кое се одржа во Минхен, Германија, а беше во организација на “IBJJF”. До сега нашиот тим поради финансиски причини не беше во можност да настапува на Европски и Светски првенства во БЏЏ.
Нашиот тим го представуваше еден од најдобрите натпреварувачи на Балканот, Стефан Пецевски во придружба со својот тренер и Председател на македонската Федерација за БЏЏ, Алексовски Ивица.
Во првата борба Стефан го победи освојувачот на златниот медал од овогодинешниот БЏЏ турнир во Берлин, Германија, а во полуфиналанта борба беше подобар од својот руски противник и се пласира во финалето. Во финалната борба иако водеше на поени, Стефан на крајот ја загуби борбата поради една гршка која го чинеше многу, па на крајот мораше да се задоволи со сребрен медал.
Во апсолутната категорија по неколку победи, загуби во полуфиналето од многу потежок и поискусен противник и го освои бронзениот медал.
За Стефан ова е едно големо искуство и се надеваме дека во иднина ќе се докаже на вакви елитни натпревари.
